Dul Kemplu eman banget aring anak wadone sing arane Jendhol. Umure esih limang tahun. Jendhol njaluk apa bae mesthi desembadani. Esuk dina Minggu kuwe, Jendhol agep dadi mayoret drum band neng TK. Mulane Dul banggane pol-polan. Tangga-tanggane decritani kabeh. Ngesuk, Jendhol agep dadi mayoret. Agep nganggo klambi sing meling-meling kaya biduan. Ora kelalen nganggo bando. Kon dadi rambute ora morak-marik.
Jam papat esuk, Jendhol wis degugaih neng Dul. Terus deadusi. Debedhaki. Dedandani, denggoni lipstick anapan. Klambi mayoret wis desiapna. Stoking ora kelalen. Sepatu jnggring duwur kaya sepatu bot deanggokna. Terakhir ora kelalen, nganggo bando.
Tapi ora let suwe, Dul wedi keliwat. Mbarang wis dedandani ayu banget kaya artis sing neng tipi, matane Jendhol mecicil bae ora bisa kedhep. Ora bisa merem. Jendhol kaya boneka. Meneng bae tapi matane mecicil gede banget.
Saking wedine, Jendhol gagiyan degendhong degawa priksan maring dokter. Esih jam 6 esuk, Dokter Dalban urung mbuka praktek. Tapi Dul nekad. Lawange Dokter Dalban dedhodhog sakuate kambi kewowongan.
Dul : dokteeerr….dokter Dalbaaaan…tulungi Jendhol anake enyong
Dalban : (ora semaur. Lawange esih tutup rapet)
Dul : dokteeeerrrr assalamu’alaikum dokteeerr…punten bukaaaak…
Dalban : (mbukak lawang) ana apa esih jam praktek urung buka pak
Dul : tulung kiye darurat. Tulung praktek siki lah dokter, tuluuuung….
Dalban : sapa sing lara ?
Dul : kiye Jendhol anake nyong dok
Dalban : iya kenang apa? Lara apa ?
Dul : Kiye matane anake nyong mecicil bae ora bisa merem koh
Dalban : oowh…ya gawa mlebung kamar periksa
Dul : iya gagiyan deobati ya dok?
Dalban : wis rika mettuuu nganah…nunggu sekang njaba
Dul : iya…iya dok iya…
Baca Juga : Dul Nyolong Jeruk
Tembe sedelat nemen, Dokter Dalban metu karo Jendhol. Dul bungah banget. Soale Jendhol matane wis normal. Wis ora mecicil. Jendhol ya wis gelem ngomong. Dul gumun banget. Dokter Dalban pinter luar biasa. Saking gumune , Dul pengin ngerti. Jendhol diobati apa? deneng langsung mari.
Dul : dok..matur tengkyu ya? Anake enyong wis mari
Dalban : ya wis, nganah balik
Dul : deobati apa sih dok? deneng langsung mari? Bayare pira kiye dok?
Dalban : wis nganah balik. Gratis, ora usah bayar
Dul : ih dok, njenengan ahli sorga yah ? Apikan banget .
Dalban : wis nganah balik
Dul : iya, tapi inyong penasaran dok. Anake enyong deobati apa?
Dalban : ora dobati
Dul : deneng mari ?
Dalban : wong rika sing kemplu lah
Dul : kemplu primen dok?
Dalban : wong masang bando kenceng banget. Ya nden matane anake rika mecicil bae !!! ***